زوّد مبيعاتك بتحسين كتابتك
شوف يا طويل العمر، الكتابة الجيدة هي المفتاح اللي يخليك تلفت الأنظار، تجذب زبائن أكثر، تكبر تجارتك، وتبين للناس إنك فاهم شغلك... وتترك منافسينك ورا ظهرك
الكتابة الممتازة؟ والله كأنك ماسك سلاح خارق
لكن عندنا مشكلة.
أغلب الكتابات اليوم صراحة مملة. ميتة. كلام ثقيل ما يحمّسك تكمل
!وما تفرق وين أنت، ترى المشكلة عامة، بكل بلد وبكل لغة
ليش؟ لأن التعليم ما علّمنا كيف نكتب بطريقة ممتعة. الكتابة غير عن الكلام، وأغلب الناس ما يعرفون الحركات اللي تعطي النص حياة
P.S.
ودك تعرف كيف أخلي جمهورك ملزق بالشاشة، ما يقدر يترك محتواك؟
تواصل مع وكالتنا اليوم. إذا كنا مناسبين لبعض، أنا شخصياً راح أراجع شركتك وتسويقك، وأبني لك خطة كاملة على الأشياء اللي ممكن نغيرها، ونتناقش عليها في مكالمة
مافي تكاليف، ولا التزامات.
لو حبيت نشتغل مع بعض، بعطيك التفاصيل. ولو ما ودك، عادي. مافي ضغط ولا حركات البيع المزعجة.
مهتم؟ عَبّي هذا النموذج
https://www.masar-alyusr.com/stshr-mjny
كيف تصلح محتوى تعبان؟
في هذي السلسلة من المقالات، راح أعطيك الحركات اللي أستخدمتها شخصياً لما أكتب مقالات، سكربتات فيديو، بوستات بلوق، تغريدات، وأكثر. والأفضل؟ كل هذا بأسلوب ممتع، بعيد عن الرسميات المملة.
أنا مو هنا عشان أتكلم عن قواعد النحو أو وش معنى "المفعول المطلق" و "المفعول به". خلي هذي للأستاذة في المدارس
حنا هنا عشان نتكلم عن كتابة كلمات تبيع
خلنا نبدأ
أسهل طريقة تخلي الناس تقرأ كلامك
أول خطوة؟ لازم تخلي القارئ يتشوق، يبغى يقرأ كلامك للنهاية
تخيل إنك كتبت أفضل مقال في العالم، أو عندك أقوى حجة. لكن لو القارئ طفش وطلع قبل يوصل للنقطة المهمة... وش استفدت؟
خذ جريدة كمثال. أسطر مكتوبة بشكل متقارب، كلام كثير مضغوط مع بعض. عقلك بيقول: يا ساتر، وش كل ذا الهرج؟
الآن شوف المقال اللي تقراه الحين
شكله أسهل وأخف على العين، صح؟
لأني قاعد أبسطها لك. فقرات قصيرة. جمل سهلة. مافي كلمات ثقيلة ولا جمل متشابكة تطفشك
المحتوى الطويل مقابل القصير
هل معناته تكتب كل شيء زي الأطفال؟ وتبسط كل شيء كأنك تخاطب طفل يشرب قهوة؟
أكيد لا
بس لازم تراعي كيف تنسق كلامك. مو مهم إذا كان فيديو، صوت، أو نص. أي نوع محتوى تسويه لازم يشد القارئ ويخليه يكمل
وهذي مجرد البداية. باقي أشياء كثيرة جاية