زوّد مبيعاتك بتحسين كتابتك (الجزء الثاني - اختبار المحادثة)
في المقال السابق، تكلمنا عن كيف تخلي محتواك يشد الانتباه وما يخوف عملائك لمن يقرؤوه. لو ما شفتها، هذا هو رابط المقال السابق.
طيب، الآن صلحنا شكل محتواك من الخارج. لكن لا تتحمس, ترى يدوب كملنا نص الطريق. لازم نشتغل على شيء مهم: كيف تخلي القارئ يكمل للآخر؟
الجواب؟
بنفس الطريقة اللي تخلي كلامك ممتع مع أخوياك, في استراحة أو جلسة.
اختبار المحادثة : أسرع طريقة لتحسين كتابتك
خلني أعطيك مثال سريع:
"بصفتك صاحب عمل وظيفتك أن تحل مشاكل الناس الذين عندهم مشاكل مثل الكهرباء, وأنت كهربائي معتمد تستطيع حلها لكن المشكلة أن الناس لا يعرفون أنك موجود أصلاً مثل جارك أبو خالد الذي لم يسمع عنك."
...
لو قرأت هذا بدون ما تحس إنك عالق في محاضرة أو كأنك تقرأ كتيب… فأنت عندك صبر أكثر مني.
هذا نص فعلا شفته في مقال. وبصراحة؟ ما يعدي اختبار المحادثة.
طيب وش فكرة هذا الاختبار؟
الفكرة واضحة من الاسم:
هل ممكن تقول هذا الكلام لشخص عادي في محادثة؟
لو الجواب "لا"، محتواك يحتاج تعديل.
خلينا نأخذ مثال ثاني:
"بصفتك صاحب عمل، وظيفتك إنك تحل مشاكل الناس. هذا هو المبدأ الأساسي لإدارة الأعمال اللي أغلب أصحاب الأعمال يعرفونه. لكن وش يصير إذا محد يعرف بوجودك؟"
أعيد صياغته:
أغلب أصحاب الأعمال يعرفون إن شغلهم يقدر يحل مشاكل الناس. بس كيف تبغى تحل مشاكل لو محد يعرف إنك موجود؟"
لاحظ الفرق؟ النص المعدل كأنه شخص يكلمك مباشرة، بينما النص الأصلي كأنه خطاب رسمي في قاعة والجمهور نصه نايم.
أبسط وأسرع طريقة لتحسين كتابتك
جرب هذه الحركة السهلة و بتصير بتصير مبدع فيها:
اقرأ نصك بصوت عالي.
شوف وين الكلام يتوقف. وين تحس إنه ثقيل؟ هل تحس ممكن تقوله لصاحبك؟ إذا الجواب "لا"، عدل النص.
هنا مثال ثاني:
"أغلب أصحاب الأعمال ما يفكرون حتى في المشكلة اللي يحلونها بمنتجاتهم أو خدماتهم، ولا حتى يسألون أنفسهم إذا كان المشتري المحتمل رجل أو امرأة، عمره صغير أو كبير، اهتماماته شديدة أو سطحية، وضعه المالي جيد أو سيئ، أو حتى قصة شعره طويلة أو قصيرة."
هذا نص من 47 كلمة! لو قرأته بصوت عالي، بتحس إنك تحتاج نفس طويل قبل ما تكمله.
الكلام الطبيعي يجي فيه توازن. يعني فيه جمل قصيرة، جمل طويلة، و بعدين شيء بسيط مثل "هذا, ثلاث كلمات."
ابدأ تعوّد على هذا الأسلوب لأنه بيغير كتابتك تمامًا. وأضمن لك تشوف الفرق في استجابة الناس.
خذ هذا التمرين البسيط:
افتح أي نص كتبته، وطبّق اختبار المحادثة. راح تكتشف جمل كثيرة تحتاج تصليح. وكل ما عدلت، كل ما صار محتواك ممتع, و أكثر فعالية.
P.S.
حاب أساعدك في تحسين موادك باستخدام اختبار المحادثة ومبادئ أخرى؟
تواصل مع وكالتنا اليوم. إذا كنا مناسبين لبعض، أنا شخصياً راح أراجع شركتك وتسويقك، وأبني لك خطة كاملة على الأشياء اللي ممكن نغيرها، ونتناقش عليها في مكالمة
مافي تكاليف، ولا التزامات.
لو حبيت نشتغل مع بعض، بعطيك التفاصيل. ولو ما ودك، عادي. مافي ضغط ولا حركات البيع المزعجة.
مهتم؟ عَبّي هذا النموذج
https://www.masar-alyusr.com/stshr-mjny